Panata
Acara Peringatan Isra Mi’raj di SMAN 27 Bandung
Bismillahirahmanirahim..
Assalamualaikum Wr. Wb.
Bapa Yanyan Supriatna salaku Kepala SMAN 27 Bandung
anu ku sim kuring dipihormat
Bapa Ustad Deden anu ku sim kuring dipihormat
Bapa/Ibu guru kalih rengrengan tata usaha anu ku sim
kuring dipihormat
Teu kakantun rerencangan sadaya anu ku sim kuring
dipikareueus
Langkung ti payun hayu urang sanggakeun puji
sinareng syukur ka Gusti nu Maha Suci, Alah SWT. anu tos maparin ni’mat sareng
kasehatan dugi ka urang sadaya tiasa kempel diieu tempat kanggo pangemut dinten
Isra Mi’raj Nabi Muhammad SAW. Solawat sarta salam mugi tetep ngocor ka
jungjunan urang kanjeng Nabi Muhammad SAW.
Sim kuring ngadeg di payuneun hadirin sadaya wireh
kapancenan salaku panata acara seja ngadugikeun sababaraha acara anu baris
kasanggakeun, di antawisna:
1. Bubuka
2. Maos
ayat suci Al-Quran dilajengkeun solawat nabi
3. Laporan
Ketua Panitia Pelaksana
4. Pamapag
ti Bapa Kepala SMAN 27 Bandung
5. Taushiyah
6. Doa
lajeng panutup
Hadirin sadaya anu ku sim kuring dipihormat supados
teu nyangkolong kana waktos, sumangga ieu acara urang buka ku maos basmalah
sasarengan.
Bismillahirahmanirahim..
Acara kadua, maos ayat suci Al-Quran dilajengkeun
mingpin solawat nabi. Ka saderek Yopi mangga dihaturanan.
*Maos
ayat suci Al-Quran dilajengkeun solawat nabi*
Hatur nuhun ka saderek Yopi anu parantos ngaoskeun
ayat suci Al-Quran sareng mingpin solawat nabi.
Nincak kana acara nu katilu, laporan Ketua Panitia
Pelaksana. Ka saderek Ismail mangga dihaturanan ka payun.
*
Laporan Ketua Panitia Pelaksana*
Hatur nuhun ka saderek Ismail anu parantos
ngadugikeun laporanana.
Nincak ka acara anu kaopat, pamapag ti Bapa Kepala
SMAN 27 Bandung, ka pangersa Bapa Yanyan Supriatna, waktos sinareng tempat
disayogikeun.
*Pamapag
ti Bapa Kepala SMAN 27 Bandung*
Hatur nuhun ka kersana Bapa Yanyan Supriatna, anu
tos ngadugikeun pamapagna.
Ayeuna nincak ka acara nu kalima, nyaeta taushiyah
ti Bapa Ustad Deden. Sumangga ka Bapa Ustad Deden, waktu sinareng tempat
disayogikeun.
*Taushiyah*
Hatur nuhun ka kersana Bapa Ustad Deden anu parantos
ngadugikeun taushiyahna.
Nincak ka acara nu ka genep atanapi acara pamungkas,
nyaeta doa lajeng panutup. Doa baris dipingpin ku Bapa Ustad Deden. Sumangga ka
Bapa Ustad Deden, dihaturanan kangge mingpin doa.
*Doa*
Hatur nuhun ka kersana Bapa Ustad Deden anu parantos
mingpin doa, mugia doa urang sadaya diijabah ku Allah SWT. amiin.
Sumangga ieu acara urang pungkas wae ku aosan hamdallah.
Alhamdulillahirabbilalamin.
Ti sim kuring rupina sakitu nu kapihatur. Sim kuring
ngahturkeun nuhun ka rengrengan panitia anu parantos ngabantosan tina sagala
rupi hal pikeun ngalancarkeun ieu acara. Hapunten bilih aya basa anu kirang
merenah. Billahitaufikwalhidayah. Wassalamualaikum Wr. Wb.
Tidak ada komentar:
Posting Komentar