Balap Lumpat
(ku: Agung Gumelar)
Kacaturkeun di hiji kandang hayam,
anu boga hayam bikang nu loba tapi ngan boga hayam jalu hiji-hijina. Hayam jalu
eta jadi pamingpin pikeun sakabeh hayam nu aya di kandang eta. Ngan hanjakal,
si hayam jalu teh geus kolot pisan. Geus kuduna lain jadi pamingpin cenah ceuk
hayam-hayam bikang teh. Tapi si hayam jalu anu geus kolot keukeuh hayang wae
jadi pamingpin.
Ningali kaayaan eta, nu boga kandang
teh langsung meuli deui hayam jalu nu ngora. Niatna mah meh bisa ngagantikeun
si hayam jalu nu geus kolot. Si hayam jalu nu geus kolot teu narima lamun
manehna bakal digantikeun ku hayam jalu nu leuwih ngora. Manehna tuluy ngomong
ka hayam jalu nu ngora bari ambek.
Hayam Jalu
Kolot : “Deuk naon euy maneh
didieu?!”
Hayam Jalu Ngora : “ Urang mah hayang ngagantikeun maneh
didieu, kusabab maneh mah geus kolot”
Hayam Jalu Kolot : “ Eh teu bisa sangeunahna kitu euy,
mun maneh hayang jadi pamingpin didieu, urang boga tantangan keur maneh!”
Hayam Jalu Ngora : “Naon tantanganna? Sok sebutkeun lah
teu sieun urang mah”
Hayam Jalu Kolot : “Urang nantang maneh keur balap
lumpat, kumaha?”
Hayam Jalu Ngora : “Alah teu pira balap lumpat hungkul,
hayu der lah da pasti urang nu ngora nu meunang mun ngalawan nu kolot mah!”
Hayam Jalu Kolot : “Heug atuh, tapi aya syaratna!”
Hayam Jalu Ngora :”Naon tah syaratna?”
Hayam Jalu Kolot :”Urang lumpat tiheula sameter lah, tah
ngke maneh karek lumpat, nya ngarti we atuh da urang teh geus kolot, kumaha?”
Hayam Jalu Ngora :”Sok lah teu nanaon, da angger nu
meunang mah bakal urang.”
Tuluy,
hayam jalu nu kolot jeung hayam jalu nu ngora langsung nyokot posisi keur
lumpat. Hayam jalu nu kolot teu poho, manehna langsung lumpat heula sameter,
tuluy hayam jalu nu ngora langsung lumpat bari ngudag-ngudag hayam anu kolot.
Teu
lila, nu boga kandang hayam asup ka kandang hayam. Tuluy manehna nyokot hayam
jalu anu ngora bari ngomong. “Euh gelo teh siah! Geus katujuh kalina urang
meuli hayam anu homo!”
-Agung
Gumelar-
Sastra
Sunda 2013
Tidak ada komentar:
Posting Komentar