BIANTARA PATURAY TINEUNG SASTRA SUNDA
UNPAD
Assalamualaikum
Wr. Wb
Sampuarasun.
Wilujeng Enjing Sadayana.
Bapa
Rektor Unpad anu dipihormat, Bapa Pupuhu Jurusan Sastra Sunda anu dipihormat, Ibu
miwah Bapa dosen anu dipihormat, para tamu uleman sepuh mahasiswa anu sami-sami
linggih, rerencangan saentragan sareng adi-adi kelas anu ku abdi dipikareueus.
Langkung
tipayun mangga urang sanggakeun puji sareng sukur ka Allah SWT., nu tos maparin
waktos ka urang sadayana dugi ka tiasa patepung lawung patepang wajah dina ieu
acara. Teu hilap solawat sarta salam urang sanggakeung ka panutan alam Nabi
Muhammad SAW.
Para
wargi anu dipihormat, teu karaos asa cikeneh sim kuring saparakanca ditampi di
ieu kampus, nanging kiwari tos bade ngantunkeun deui ieu kampus. Waktos opat
taun teh asa sakocepat pisan. Nya dina danget ayeuna pisan, abdi kapapancenan
ngawakilan rerencangan saentragan seja ngahaturkeun nuhun kana kasaean Ibu
sareng Bapa dosen di ieu kampus. Mugia amal kasaean Ibu sareng Bapa dosen
dibales ku Nu Maha Kawasa.
Sajabi
ti ngahaturkeun nuhun, teu hilap abdi saparakanca neda dihapunteun. Salaku
jalma biasa anu masih keneh atah sareng didikeun keneh, seueur pisan tingkah
laku, tindak tanduk, atanapi paripolah anu tangtos moal luput tinu kalepatan.
Pamundut, mugia tina ati anu wening, manah anu setra, Ibu sareng Bapa guru
ngahapunten sagala rupi kalepatan abdi saparakanca salami nyuprih elmu di ieu
kampus.
Kalawan
asmana rerencangan, sateuacan abdi sadaya amit mungkur di ieu kampus, neda rido
galihna ti Ibu sareng Bapa guru kersa ngajajapkeun abdi sadaya ku pangjurung nu
mangrupi du’a, mugia abdi sadaya tiasa ngahontal cita-cita sareng janten jalmi
anu soleh. Amin.
Hadirin
anu dipihormat, kalawan asmana rerencangan, cekap sakitu abdi nyanggakeun
pihatur. Pamungkas pisanggem, bilih aya basa anu kirang entep seureuhna,
atanapi kecap anu kirang merenah larapna, mugia kersa ngahapunten.
Amit
mungkur, sapu nyere pegat simpay, paturay patepang deui.
Wassalamualaikum
Wr. Wb.
Tidak ada komentar:
Posting Komentar